Nava Jeevan elkartea ondorengo ume hauen tratamentu medikoa ordaintzeaz arduratzen da.

TATHAGATA

Osasun egoera: TALASEMIA BETA GAITZA

Tathagata 2003an jaio zen eta urtebete zuela onartu zuten ISSA erakundean.

Etengabe, sendagileen zaintzapean dago, eta azken hilabeteetan hamabostean behin egiten zaizkio transfusioak. Gorputzez hazi ahala, odolaren premia ere handitu egin zaio. Tathagatak asko laguntzen du transfusioak egiteko orduan, orratza sartzerakoan min pixka bat eman arren.

Umezurztegitik hurbil dagoen eskolara joaten da bere osasun baldintzangatik. Eskolara joatea gustatzen zaio nahiz eta batzuetan ahul sentitzen den eta ez duen joan nahi izaten.

Tathagata mutil maitagarria da, eta primeran moldatzen da guztiekin. Eguneroko jardueretan bakarrik moldatzen da, eta zaindariek agindutakoa zuzen betetzen du. Hala ere, osasun egoera gorabeheratsua dela medio, batzuetan umore aldaketak izaten ditu, edota isilik egoten da, beste mundu batean balego bezala. Ez da harritzekoa, askotan konturatzen baita ez dela gai beste edozein umeri gustatzen zaizkion gauzak egiteko.

Ahalegin guztiak egiten ari gara Tathagatak ez dezan gehiegi sufritu, eta bizitza ahalik eta erraz eta atseginena izan dezan.

PRASANJIT

Osasun egoera: HBE/TALASEMIA BETA GAITZAK

Prasanjit 2002an jaio zen eta 2 urterekin onartu zuten ISSA erakundean.

Prasanjiten osasun egoera oso gertutik gainbegiratzen da; 3 astean behin egin ohi zaio transfusioa.

Psikologo baten laguntzari eta eman zaizkion sendagaiei esker, portaera hobetzen doa.

Prasanjitek “eskola ingeles” batean ikasten du; oso mutil argia da, baina ezin izaten du kontzentratu, hiperaktiboa delako. Arreta berezia behar du, banan-banakoa, baina ez da posible, baliabiderik ez dagoelako.

Prasanjit da umezurztegian denbora gehien daraman umea, bai eta zaharrenetako bat ere. Enpatiaz tratatzen bada, edozein gauza egiteko prest egoten da, eta atsegin du ardurak hartzea.

MANASHI

Osasun egoera: GIB POSITIBOA

Manashi 1999an jaio zen eta 8 zituela onartu zuten ISSA elkartean. OFFER-ek zuzenduriko Anandaghar etxean bizi da.

GIB positiboa denez, etengabe hartu behar izaten ditu sendagaiak. Eguneroko jarduerak egiteko konfiantza sendoagoa du.

Manashik eskolako mailak gainditzen ditu. Neska argia da baina ikasketa kontuetan kontzentratzea saila egiten zaio.

Manashik portaera ona du, baina segurtasunik gabe sentitzen da nahi dituen gauzak lortzen ez dituenean, eta, ondorioz, lagunekiko erasokor agertzen da.

Atsegin du panpinekin jolastea eta dantza egitea.

MAMPI

Osasun egoera: GIB POSITIBOA

Mampi 6 urteko neskatila bat da, eta 2 urte zituela sartu zen ISSA elkartean. OFFER-ek zuzenduriko Anandaghar etxean bizi da.

GIB positiboa da, etengabe hartu behar izaten ditu sendagaiak, eta ez du beste gaitz larririk izan.

Mampi haur eskolako lehenengo mailan dabil, baina ez zaizkio batere interesatzen ikasketak.

Neskatila maitagarria da, eta atsegin du ondo pasatzea, panpinekin jolastea eta dantza egitea.

JOY

Osasun egoera: GIB POSITIBOA

Joy 2004ean jaio zen eta 2 hilabeterekin onartu zuten ISSA elkartean. OFFER-ek zuzenduriko Anandaghar etxean bizi da.

Medikuntza tropikaleko eskolaren bitartez baieztatu zuten GIB positiboa zuela, Elisa Testa eta Western Blot Testa egin eta gero. Etengabe hartu behar izaten ditu sendagaiak, eta ez du beste gaitz larririk izan.

Joy pozik joaten da eskolara beste ume batzuekin egoten delako eta gauza berriak ikasteko aukera duelako.

Joy mutil jatorra da, oso jolastia; izugarri atsegin ditu jolasak, dantza egitea eta beste umeekin jostatzen aritzea. Janari kontuetan mania dezente ditu, ez du atsegin arrotzengana gerturatzea, eta, batzuetan, umore txarrez egoten da.

Aurreko haur hauez gain ondoko haur hauen mantentze gastuen ardura ere badu Nava Jeevanek.

Aurreko haur hauez gain ondoko haur hauen mantentze gastuen ardura ere badu Nava Jeevanek.

NAVEEN

Osasun egoera: DOWN SINDROMEA

Naveen 2009an jaio zen eta 2 hilabeterekin onartu zuten ISSA elkartean. Down sindromea eta uskizko malformazioa ditu. Egonkor dago kolostomia bati esker. Ume jostagarria da. Hala ere ez da exeri edo zutik egoteko gai laguntzarik gabe.

MANAS

Osasun egoera: TETRAPLEJIA ESPASTIKOA ETA BURBUINEKO PARALISIA

Manas 2004ean jaio zen eta 4 urterekin onartu zuten ISSA elkartean. Tetraplejia espastikoa eta burmuineko paralisia ditu. Bere kabuz gauzak heldu eta askatzeko gai da (batez ere ezkerrekoarekin) eta soinu-iturriak kokatu eta soinu ezagunak ezagutzeko gai da. Begiradarekin mugitzen diren objetu eta pertsonak jarrai ditzake. Bengaleraz esandako agindu sinpleak ulertzen ditu eta irribarre egiten du norbaitek berari hitzegin ez gero. Normalean bere beharrak gestu eta bat, bi edo hiru hitzeko esaldien bidez agertzen ditu.

Basoa heldu eta bakarrik edateko gai da, nahiz eta edaten ari den bitartean ur dexente isuri. Ezkerreko eskuarekin helduz, bakarrik, gailetak jan ditzake, kumunera noiz joan nahi duen agertzeko gai da eta jostailuzko kotxe eta baloiekin jolastea gustoko du.

ARMAAN

Osasun egoera: JAIOTZATIKO HEMIPLEJIA ETA ESPASTIZITATE ARINA

Arman 2007an jaio zen eta hiru urterekin onartu zuten ISSA elkartean. Jaiotzatiko hemiplejia du eskuinaldean. Espastizitate arina ere badu. Eskuinaldea arrastaka eramaten du ibiltzerakoan eta ez du bere eskubiko eskua erabili nahi. Nahiago du ezkerreko eskua bakarrik erabiltzea. Bere garapen mentala bere adineko haurrena baino atzeratuagoa da.

AMULYA

Osasun egoera: BIHOTZEKO ARAZOA ETA BERE ADINERAKO ATZERATUA

Amulya 2007an jaio zen eta hiru urte ingururekin onartu zuten ISSA elkartean. Amulyak ahultasuna du bere hanketan, ezohiko ibilera du. Mintzamena atzeratua, bihotzeko arazo bat eta bere garapen mentala bere adineko haurrena baino atzeratuagoa du. Ez da aginduak jarraitzeko, ez eta bere emozioak agertzeko gai. “Da-Da” antzeko soinuak egiten ditu. Ez ditu bere esfinterrak kontrolatzen.

CHADNI

Osasun egoera: ITSUA

Chadni 2008an jaio zen eta 2010 geroztik ISSAren kargupean dago. Itsua da. Honetaz gain ez du beste arazo fisikorik. Kumunerako gogoa duenean negar eginez adierazten du. Jaterako orduan laguntza behar du.